UEFA Avropa Liqasının 2-ci təsnifat mərhələsində keçiriləcək "Qarabağ" - "ÇSKA Sofiya" (Bolqarıstan) qarşılaşmasının biletləri satışa çıxarılıb.

AVESTA.AZ xəbər verir ki, bu barədə "Qarabağ"ın mətbuat xidməti məlumat yayıb.

Tofiq Bəhramov adına Respublika stadionunda keçiriləcək qarşılaşmanın standart biletlərinin qiyməti 5, 10, 15 və 20 manat təşkil edəcək. VIP sektorlar üzrə biletlər 50, 75 və 100, VVIP sektorlar üçün isə 150 manata satışa çıxarılacaq.

Biletləri yalnız iTicket.az-ın rəsmi saytı və mobil tətbiqi vasitəsilə əldə etmək mümkündür. Onlayn alış zamanı problem yaranacağı təqdirdə isə azarkeşlər "iTicket"ın satış məntəqələrinə, "Park Bulvar"dakı "Qarabağ" futbol klubunun fan-şopuna və Tofiq Bəhramov adına Respublika stadionunun kassalarına müraciət edə bilərlər.

***10:54

UEFA Avropa Liqasının II təsnifat mərhələsi çərçivəsində keçiriləcək "Qarabağ" -"CSKA Sofia" qarşılaşmasının biletləri bu gün satışa çıxarılacaq.

AVESTA.AZ klubun məlumatına istinadən xəbər verir ki, saat 15:00-dan etibarən biletlərin satışı aktivləşəcək.

Qeyd edək ki, oyun 23 iyul Tofiq Bəhramov adına Respublika stadionunda saat 20:00-da start götürəcək.