Azərbaycanda noyabr ayı uzunmüddətli istirahət günləri ilə yadda qalacaq. Beşgünlük iş rejimində çalışanlar ay ərzində ümumilikdə 11 gün işə çıxmayacaqlar.

BAKU.WS xəbər verir ki, xüsusilə noyabrın 8, 9 və 10-u ardıcıl üç istirahət gününə təsadüf edir. Noyabrın 8-i Zəfər Günü, 9-u isə Dövlət Bayrağı Günü kimi qeyd olunur. Bu tarixlərin həftəsonuna düşməsi səbəbindən noyabrın 10-u da beşgünlük iş həftəsində istirahət günü hesab edilir.

Beləliklə, beşgünlük iş həftəsində çalışanlar noyabr ayında 11, altıgünlük iş həftəsində çalışanlar isə ümumilikdə 7 qeyri-iş günü keçirəcəklər.