
Bakı-Sumqayıt yolu üzərində yol kənarında baxış quyusunun qapağının olmaması ilə bağlı daxil olmuş müraciət Abşeron Su Meliorasiya Sistemlərinin İstismarı İdarəsi tərəfindən operativ şəkildə araşdırılıb.
Bu barədə AVESTA.AZ-in sorğusuna cavab olaraq Regional Su Meliorasiya QSC Mətbuat və İctimaiyyətlə əlaqələr şöbəsindən məlumat verilib.
Araşdırma zamanı müəyyən edilib ki, sözügedən ünvanda baxış quyusunun qapağı naməlum səbəbdən yerində olmayıb:
"Faktla bağlı hüquq-mühafizə orqanına araşdırma aparılması məqsədilə məlumat verilib. Bildiririk ki, həmin ünvanda baxış quyusunun qapağı qısa müddətdə yenisi ilə əvəz olunaraq problem tam aradan qaldırılacaq".
***14:59
Bakı-Sumqayıt yolu üzərində yol kənarında kanalizasiya quyusu açıq vəziyyətdə qalıb.
Bu barədə məlumat AVESTA.AZ-in "qaynar xətti"nə daxil olub.
Bildirilib ki, sözügedən hal, Riyad Ticarət Mərkəzinə çatmamış yol kənarında mövcuddur.
Şikayətçinin sözlərinə görə, təxminən 5 metr dərinliyi olan 2 quyu ərazidən keçən piyadalar, xüsusilə məktəbə gedən uşaqlar üçün ciddi təhlükə yaradır.
Həmin videonu təqdim edirik:
© 2021 AVESTA.AZ BÜTÜN HÜQUQLAR QORUNUR.
Sayt Ülvi Məmmədov tərəfindən yığılıb.