Fransanın paytaxtı Parisin 5-ci rayonunda Sen-Jak küçəsindəki evdə baş verən partlayış nəticəsində yaralananların sayı 37 nəfərə çatıb.

"AVESTA.AZ" TASS-a istinadən xəbər verir ki, bu barədə Fransanın daxili işlər naziri Jerald Darmanen brifinqdə deyib.

Onun sözlərinə görə, yaralılardan 4-nün vəziyyəti pisləşib.

Hazırda xilasedicilər dağıntılar altında qalan iki nəfərin axtarışı ilə məşğuldur.

Qeyd edək ki, partlayış iyunun 21-də "Paris Amerika Akademiyası" dizayn məktəbinin yerləşdiyi Sen-Jak küçəsindəki evdə baş verib.

Paris prokurorluğu bəyan edib ki, insidentin səbəbi təhlükəsizlik qaydalarının pozulmasıdır.

Fransanın paytaxtı Parisin beşinci rayonunda, Sen-Jak küçəsində partlayış baş verib, ilkin məlumatlara görə, 16 nəfər xəsarət alıb.

“AVESTA.AZ” xəbər verir ki, bu barədə “Reuters” məlumat yayıb.

Yerli polis bildirib ki, partlayışdan sonra binalardan birinin fasadı uçub, yanğın başlayıb.

"Le Monde" yazıb ki, xəsarət alanlardan 7-nin vəziyyəti ağırdır.

BMF-nin məlumatına görə, partlayış "Paris Amerika Akademiyası"nın binasında qeydə alınıb. Şəhər merinin müavini Eduard Sivel bildirib ki, yanğına səbəb qaz partlayışı olub. Fransanın daxili işlər naziri Jerald Darmanin partlayışın səbəbinin müəyyən edilmədiyini bildirib.