ABŞ Konqresindəki demokratlar və respublikaçılar bəzi dövlət qurumlarının maliyyələşdirilməsini martın 1-dək, digərləri üçün isə martın 8-dək uzadacaq qanun layihəsi üzərində razılığa gəliblər.

"AVESTA.AZ"un TASS-a istinadən verdiyi xəbərə görə, bunu Demokratlar Partiyasının Senatdakı çoxluğunun lideri Çak Şumer (Nyu-Yorkdan) açıqlamasında deyib.

“İki partiya arasında əldə edilmiş xərc razılaşmaları Amerikaya daxildə və xaricdə mövcud olan bir çox ciddi problemləri həll etməyə imkan verəcək”, - qanunverici qeyd edib. O, qanun layihəsi ilə bağlı məsləhətləşmələrdə Senatda respublikaçı azlıqların lideri Mitç Makkonnell (Kentukki ştatı), Nümayəndələr Palatasının spikeri Mayk Conson (Luiziana ştatından respublikaçı) və Konqresin Aşağı Palatasında demokratik azlıqların lideri Hakim Cefrisin (Nyu-Yorkdan) iştirak etdiyini bildirib.

Şumer qeyd edib ki, Senatda yanvarın 16-da bu qanun layihəsinin “qəbul edilməsi prosesinə başlanılacaq”.

Onun sözlərinə görə, hökumətin işini dayandırmasının qarşısını almaq məqsədilə Senatda və Nümayəndələr Palatasında ikipartiyalı əməkdaşlığın maliyyələşdirməni davam etdirmək üçün qısa zamanda təsdiqlənməsi tələb olunacaq.

Qanunverici izah edib ki, o, ABŞ prezidenti Cozef Baydenin yanvarın 19-dan əvvəl imzalaya bilməsi üçün razılaşdırılmış sənədin yaxın günlərdə Konqres tərəfindən qəbul edilməsini gözləyir. Bu, digər məsələlərlə yanaşı, kənd təsərrüfatı, energetika, hərbi tikinti, nəqliyyat və mənzil təsərrüfatı ilə məşğul olan dövlət proqramları və idarələrinin maliyyələşdirilməsinin dayandırılmasının qarşısını almalıdır.