COP konfransının keçirilməsi region ölkələrinə iqlim dəyişikliyinin təsirləri ilə mübarizəni sürətləndirməyə kömək edə bilər.

"AVESTA.AZ" xəbər verir ki, bunu Almaniyanın Bonn şəhərinin meri Katya Dyorner Bakı İqlim Həftəsinin iştirakçılarına ünvanlandığı videomüraciətində deyib.

O qeyd edib ki, Bonnda artıq oxşar konfrans keçirilib və bu, şəhərə uzunmüddətli müsbət dəyişiklik göstərib:

“Ümid edirəm ki, Bakıda keçiriləcək COP29 Azərbaycan, Mərkəzi və Şərqi Avropa, eləcə də Mərkəzi Asiyanın şəhər və regionlarını iqlim neytrallığı üzrə öhdəliklərin qəbul edilməsinə, iqlim fəlakətlərinə hazırlığın təmin edilməsi üzrə səylərin artırılmasına, həmçinin milli iqlim planları istiqamətində çoxsəviyyəli fəaliyyətlərin və dəyişikliklərin gücləndirilməsinə ilham verəcək”.