COP29 Azərbaycan gənclərinin yalnız yerli ekoloji məsələlərdə deyil, həm də qlobal problemlərin həllində fəal iştirakını nümayiş etdirdi.

Bu fikirləri "AVESTA.AZ"a Milli Məclisin deputatı Şahin Seyidzadə deyib.

O xatırldaıb ki, Azərbaycan 2024-cü ildə beynəlxalq ictimaiyyətin yekdil dəstəyi ilə COP29-a ev sahibliyi etməkdən şərəf duydu:

"Müddətin qısa olmasına baxmayaraq, Azərbaycan COP-un rahat və yüksək səviyyədə keçirilməsi üçün bütün lazımi hazırlıqları həyata keçirməyə nail oldu. COP29-da gənclər bir neçə əsas istiqamətlərdə fəaliyyət göstərdilər. Gənclərlər konfrans iştirakçılarına müxtəlif məlumat kitabçaları paylanılmasını, iqlim dəyişmələri ilə bağlı məlumatların yayılmasınını, konfrans zallarında təşkil olunan sərgilərdə Azərbaycan mədəniyyəti və biomüxtəlifliyin təqdimatını təşkil etdirilməsini, iştirakçıların qeydiyyatının aparılmasını və COP29-un əsas mövzularından biri olan "Gənclər və iqlim həlləri" panelində azərbaycanlı gənclər layihələrini təqdim etmişdilər".

Deputatın sözlərinə görə, gənclərin konfransdakı rolu yalnız texniki dəstəklə məhdudlaşmadı: "Onlar həm də milli pavilyonumuzda Azərbaycan hökumətinin və vətəndaş cəmiyyətinin həyata keçirdiyi ekoloji layihələri təqdim etdilər. Bu pavilyonda Qarabağ bölgəsində "yaşıl enerji" zonalarının yaradılması, "Ağ şəhər" layihəsi və "Xəzər dənizinin biomüxtəlifliyinin qorunması" kimi təşəbbüslər barədə məlumatlar verdilər. Gənclər bu təqdimatlarda həm təşkilatçı və tədqiqatçı qismində iştirak etdilər".

Ş.Seyidzadə bildirib ki, COP29-da gənclər öz bacarıqları və təşəbbüsləri ilə nümunə oldular:

"Azərbaycanın iqlim dəyişmələri ilə mübarizədə gənclərin enerjisinə, təşəbbüskarlığına və könüllülüyün gücünə arxalanması bu sahədə dayanıqlı inkişafın təminatıdır. COP29 kimi mühüm tədbirlərdə fəal iştirak edən gənclər gələcəyimizin yaşıl və dayanıqlı olacağına inam yaradır. Gənclərə COP29 tədbirində Prezidenti İlham Əliyev tərəfindən göstərdiyi fəallığa görə yüksək qiymət verilərək, təşəkkürnamə və pul mükafatı təqdim edilmişdir".

"Azərbaycan gəncləri həm milli, həm də beynəlxalq səviyyədə öz sözlərini deyirlər. Çünki planetimizin gələcəyi onların əllərindədir və bu gələcək - yaşıllıq, təmizlik və harmoniyadan ibarət olacaq. Azərbaycanda gənclərə nəzər yetirdikdə, onların bütün istiqamətlərdə kifayət qədər inkişaf etdiyini görmək olar. Prezident İlham Əliyevin göstərişi ilə gənclərimizin fərdi inkişafına dair sosial layihələrin icrasına dövlətimiz, o cümlədən Gənclər Fondu tərəfindən xüsusi diqqət yetirilir. Gənclərimizin beynəlxalq tədbirlərdə ölkəmizi təmsil etmələrinin, xaricdə təcrübə keçmələrinin, təhsil almalarının da həmişə Azərbaycan dövlətinin diqqət mərkəzindədir. Dövlət gənclər siyasətinin əsas istiqamətlərindən biri xaricdə təhsil alan gənclərin dəstəklənməsi məsələsidir. Xaricdə təhsil alan gənclərimiz Azərbaycan həqiqətlərini dünyaya çatdıran real qüvvələrdir. Onlar ölkəmizin mədəniyyəti, tarixi və ictimai-siyasi mövqeyi ilə bağlı məlumatları yayır, Azərbaycanın haqlı mövqeyini dəstəkləyirlər", - deputat əlavə edib.