Prezidentin izi ilə Ağdam, Xocalı və Xankəndiyə təşkil olunan mediatur başlayıb.

“AVESTA.AZ” xəbər verir ki, media nümayəndələri ilk olaraq Ağdam şəhər 1 nömrəli tam orta məktəbdə aparılan tikinti işləri ilə tanış olublar.

Onlara ümumi sahəsi 4300 kvadratmetrdən çox olan yeni məktəb binası barədə ətraflı məlumat verilib.

Qarabağ Regional Təhsil İdarəsinin müdiri Sənan Məsimli jurnalistlərə açıqlamasında bildirib ki, üç mərtəbədən ibarət olan məktəb 960 şagird yerlikdir:

Sənan Məsimli

“Məktəb binası kitabxana, muzey, iki yeməkxana, fənn kabinetləri ilə yanaşı, fizika, kimya, biologiya laboratoriyaları, akt və idman zalları, həmçinin 8 STEAM və digər inzibati otaqlarla təmin olunub”.

O qeyd edib ki, məktəb binasının tikintisinin 2025-ci ildə başa çatdırılması nəzərdə tutulur:

“Həmçinin qeyd edim ki, Qarabağ Regional Təhsil İdarəsinin tabeliyində Ağdərə, Xocalı və Xankəndidə 1, Ağdamda isə 3 məktəbin tikintisi hazırda başa çatmaq üzrədir”.

Foto: Mircavid Eminoğlu