"Biz uşaq idik və həmin vaxt bu bizim üçün böyük stress idi. Nənəmin 30 yaşında bir övladı vəfat etmişdi. Atam onun ikinci övladıdır. Atama şər atıb həbs etdirəndə heç babamın 40 mərasimi də olmamışdı".

BAKU.WS xəbər verir ki, bu sözləri Əməkdar artist Sevda Ələkbərzadə deyib.

"Afaqla Onlar" verilişinə qonaq olan sənətçi atası yazıçı-publisist Çingiz Ələkbərzadənin həbs olunan zaman ailəsinin yaşadığı çətin anlardan danışıb:

"Biz hər zaman atamızın yanında olduq. Heç vaxt onu tək qoymadıq. O özü də böyük stress yaşadı. Bir insan üçün şərdən böhtandan betər ən böyük nə ola bilər. Atam bəraət qazandı. Bizim ailəmiz o dövrü pis keçirdi. Bu 2025-ci ildə hələ də danışılır. Onun övladları nə qədər ki, yaşayır biz bu sənəti davam etdirəcəyik".

Xatırladaq ki, məşhur müğənnilər Sevda və Elmira Ələkbərzadə bacılarının atası olan Çingiz Ələkbərzadə Sovet dövründə şərlənərək həbs olunub. O Azərbaycan Dövlət Televiziya və Radio Verilişləri Komitəsində "Günün ekranı" redaksiyasında telejurnalist kimi çalışdığı zaman, durğunluq dövründə ictimai qüsurları kəskin tənqid etdiyi üçün həbs edilib.