Cənubi Koreyada baş verən meşə yanğınlarında zərər çəkən ərazi əvvəlki hesablamalardan 2,2 dəfə çox olmaqla 104 min hektara çatıb. Hadisələr nəticəsində azı 31 nəfər həyatını itirib.

AVESTA.AZ xəbər verir ki, Cənubi Koreya Meşə Xidməti (KFS) tərəfindən verilən açıqlamaya əsasən, ötən ay ölkənin müxtəlif bölgələrində başlayan genişmiqyaslı meşə yanğınları əvvəlcə 45 min hektar kimi qiymətləndirilsə də, son hesablamalar bu rəqəmin əslində 104 min hektara çatdığını göstərir.

Ən çox ziyan görən bölgələr arasında:

• Şimali Qyeongsang əyaləti – 90 min 289 hektar,

• Cənubi Qyeongsang əyaləti – 3 min 397 hektar,

• Ulsan şəhəri – 1 min 190 hektar yer alır.

Xüsusilə Şimali Qyeongsangda yerləşən Uiseong rayonu 28 min 853 hektar sahə ilə ən çox ziyan görən bölgə olub. Andong şəhərində 26 min 709 hektar, Cheongsongda 20 min 655 hektar, Yeongdeokda isə 16 min 208 hektar meşə sahəsi yanıb.

Meşə yanğınları 21 martda Cənubi Qyeongsang əyalətində başlayaraq qısa zamanda güclü külək və quraq hava şəraitinin təsiri ilə geniş ərazilərə yayılıb. Rəsmi məlumata görə, bu yanğınlar Cənubi Koreya tarixində qeydə alınan ən böyük meşə yanğınları hesab olunur.