İngiltərə Premyer Liqasında çıxış edən "Mançester Yunayted" qapıçı mövqeyində dəyişikliklərə hazırlaşır.

AVESTA.AZ xarici KİV-ə istinadən xəbər verir ki, klub həm Türkiyə millisinin qolkiperi Altay Bayındırı, həm də kamerunlu Andre Onananı transfer siyahısına yerləşdirib.

Transfer pəncərəsinin son günündə Belçikanın "Antverpen" klubundan gənc qapıçı Senne Lammens heyətə cəlb edildikdən sonra "qırmızı şeytanlar"ın heyətində qapıçıların sayı 4-ə yüksəlib. Hazırda komandada Altay Bayındır, Andre Onana, Tom Hiton və yeni transfer Lammens yer alır.

39 yaşlı təcrübəli qapıçı Tom Hitonun isə komanda daxilində nüfuzlu və sevilən futbolçu olması səbəbindən heyətdə saxlanılacağı gözlənilir.

İddialara görə, Onana Səudiyyə Ərəbistanı klublarının maraq dairəsindədir. Altay Bayındırın isə karyerasını Türkiyədə davam etdirməsi ehtimal olunur.