NASA-nın yeni məlumatları Yer kürəsində enerji tarazlığının ciddi şəkildə dəyişdiyini göstərir. Alimlər bildirir ki, planet artıq öz iqlim sistemini əvvəlki kimi tənzimləyə bilmir.

BAKU.WS xarici KİV-ə istinadən xəbər verir ki, Şimal yarımkürə günəş enerjisini daha çox udur, amma daha az əks etdirir. Cənub yarımkürədə isə bu dəyişiklik nisbətən sabit qalır. Bu isə Yer kürəsinin enerji balansının pozulduğunu göstərir.

Mütəxəssislərə görə, bunun səbəblərindən biri sənaye aerozollarının azalmasıdır. Atmosferdə azalan bu hissəciklər əvvəlcə Günəş şüalarını əks etdirərək soyuducu təsir göstərirdi. İndi isə bu təsirin zəifləməsi istiləşməni artırır.

NASA alimləri xəbərdarlıq edir ki, bu proseslər buludların quruluşuna, dəniz axınlarına və yağış rejiminə təsir edir. Tropik iqlim zonasının şimala sürüşməsi və okean axınlarının zəifləməsi müşahidə olunur.

Bu göstəricilər iqlim sisteminin köklü şəkildə dəyişdiyini göstərir. Alimlər xəbərdarlıq edir: Yer daha isti, daha qeyri-sabit və proqnozlaşdırılması çətin bir dövrə daxil olur.