Ağdamda bərpa və yenidənqurma işləri çərçivəsində daha bir mühüm layihə start götürür.

AVESTA.AZ-in məlumatına görə, Ağdam, Füzuli və Xocavənd rayonlarında Bərpa, Tikinti və İdarəetmə Xidməti Ağdam Şəhər Cümə məscidinin tikinti-quraşdırma işlərinin satın alınması ilə bağlı tender elan edib.

Tenderin dəyəri 469 min 617,01 manat təşkil edir. Layihə çərçivəsində Ağdam Şəhər Cümə məscidinin tikinti və quraşdırma işlərinin tam icrası nəzərdə tutulur.

Bu tender Ağdamın mədəni və dini irsinin bərpası istiqamətində həyata keçirilən ardıcıl layihələrdən biri hesab olunur. Tikinti işlərinin uğurla icrası nəticəsində şəhərin mərkəzində yerləşəcək Cümə məscidi azad edilmiş ərazilərin simvolik dini-mədəni məkanlarından birinə çevriləcək.

Qeyd edək ki, məscid şəhərin mərkəzində ibadət və birgə toplanma məkanı olmaqla yanaşı, işğaldan azad edilmiş torpaqlarda həyatın bərpasının simvolu xarakteri daşıyır.