Qəbələ Konserv Zavodunda istehsal olunan "Natura" meyvə şirələri müasir texnologiyaya əsaslanan istehsal xətti və ciddi keyfiyyət nəzarəti altında hazırlanır.

İstehsal prosesində istifadə olunan xammalın mənbələri müxtəlifdir: nar, şaftalı və alma kimi meyvələr yerli bağlardan əldə edilir, tropik meyvələr konsentratları isə iqliminə uyğun olaraq xaricdən idxal olunur. Zavoda qəbul edilən hər bir xammal partiyası laboratoriya şəraitində analiz edilərək uyğunluğu təsdiqləndikdən sonra istehsala buraxılır.

Meyvə şirəsinin istehsalı tam nəzarət altında mərhələli şəkildə həyata keçirilir. Zavoda daxil olan meyvələr əvvəlcə seçilir və yuyulur. Daha sonra presləmə və süzmə proseslərindən keçirilir. Məhsula qısamüddətli, kontrollu istilik emalı tətbiq edilir ki, bu da mikrobioloji təhlükəsizliyi təmin etməklə yanaşı, meyvənin təbii rəngini, dadını və qida dəyərini qorumağa imkan verir.

Zavodun qablaşdırma xətti avtomatlaşdırılmış sistemlərlə idarə olunur. Şirə aseptik şəraitdə - hava ilə təmas olmadan qablaşdırılır. Bu texnologiya məhsulun tərkibinə konservant əlavə edilməsini zəruri etmir. Məhz buna görə "Natura" şirə və nektar məhsullarında konservantlardan istifadə olunmur.

Qablaşdırma seçimi məhsulun təhlükəsizliyi və istehlak rahatlığı nəzərə alınaraq həyata keçirilir. Natura meyvə şirələri işıq keçirməyən, xarici təsirlərə davamlı, daşınma və saxlama rahatlığı ilə seçilən Tetrapak qablarda, həmçinin şüşə qablaşmada istehlakçıya təqdim olunur. Hər iki qablaşdırma növü şirənin xarici təsirlərdən qorunmasına xidmət edir.

Satışdan əvvəl məhsullar mikrobioloji, kimyəvi və orqanoleptik göstəricilər üzrə laborator analizlərdən keçirilir. Brix, turşuluq, rəng, dad və ətir balansı yoxlanılır, nəticələr sənədləşdirilir və istehsal tarixi ilə birlikdə məhsulun etiketində öz əksini tapır. Bu məlumatlar məhsulun izlənə bilməsi və istehlakçı üçün şəffaflıq baxımından böyük əhəmiyyət daşıyır.

İstehlakçılara məhsul alarkən qablaşdırmanın bütövlüyünə diqqət etmələri tövsiyə olunur. Hər hansısa bir səbəbdən şişmiş, zədələnmiş və ya deformasiyaya uğramış qablaşdırma daxilində olan məhsulun sterilliyinin pozulması ehtimalını yaradır. Açılmış şirələrin soyuducuda saxlanması və məhsulun üzərində qeyd edilən təlimatlara uyğun istehlak edilməsi vacibdir.

"Natura" şirələri istehlakçıya çatana qədər bütün istehsal mərhələlərində nəzarət, laborator analiz və beynəlxalq standartlara uyğunluqla təmin olunur. Məqsəd istehlakçıya yalnız şirə deyil, təbii dadın qorunmuş, sabit və təhlükəsiz formada təqdim edilməsidir.

Ölkənin aparıcı qida sənayesi şirkətlərindən biri olan "Novex Group"un tərkibində fəaliyyət göstərən Qəbələ Konserv Zavodu qabaqcıl texnologiyalara malik müasir istehsal müəssisələrindən biridir. 16 hektarlıq ərazidə yerləşən zavodun üç əsas istehsal sahəsi mövcuddur. Burada meyvə şirələri, nektarlar, meyvə konsentratları, qazlı və qazsız içkilər, həmçinin çips məhsulları istehsal olunur.

Müəssisə illik 30 min ton meyvə emalı və 90 min ton meyvə şirəsi istehsal gücünə malikdir. Zavodda "Jalə", "Zolotoy Sad", "Natura", "Mia", "I"m tea", "Frutiva" və "Chipsim" kimi tanınmış markaların məhsulları hazırlanır. Məhsullar həm yerli, həm də beynəlxalq bazarlarda geniş tələbatla qarşılanır.

Qəbələ Konserv Zavodu beynəlxalq "FSSC 22000" qida təhlükəsizliyi idarəetmə sistemi sertifikatına malikdir. Bu sertifikat zavodda tətbiq olunan bütün istehsal və nəzarət proseslərinin qida təhlükəsizliyi üzrə ən yüksək qlobal standartlara uyğun olduğunu təsdiqləyir.