Güclü külək Bakı şəhərində məktəbin damını uçurub. 

Şəhərin Suraxanı rayonunda yerləşən 278 nömrəli tam orta məktəbin də dam örtüyünü külək uçurub.

Qeyd edək ki, Abşeron rayonu, Xırdalan şəhərində də güclü külək məktəbin damını uçurub. 

Xatırladaq ki, Milli Hidrometeorologiya Xidmətinin yaydığı məlumata görə, bu gün Bakıda və Abşeron yarımadasında şimal-qərb küləyinin 18-23 m/s, arabir 27-32 m/s, günün birinci yarısında bəzi ərazilərdə arabir 35-38 m/s-dək güclənəcəyi, rayonlarda isə şimal-qərb küləyinin 15-20 m/s, arabir 25-30 m/s, bəzi Kür vadisi rayonlarında arabir 35-38 m/s-dək güclənəcəyi gözlənilir.