Azərbaycanda karate və döyüş sənətləri sahəsində tanınmış, əməkdar məşqçi və idman xadimi Mirəli Seyidov vəfat edib.

BAKU.WS xəbər verir ki, o, uzun sürən xərçəng və şəkərli diabet xəstəliyindən 69 yaşında vəfat edib.

Mirəli Seyidov karate üzrə 7-ci dan qara kəmər sahibi idi. O, Azərbaycan karate məktəbinin formalaşmasında, gənc idmançıların yetişdirilməsində və idman etikası prinsiplərinin təbliğində əvəzsiz xidmətləri ilə seçilib. Onun zəhməti və insani keyfiyyətləri Azərbaycan idman ictimaiyyəti tərəfindən daim yüksək qiymətləndirilib.