Rusiyada fəaliyyəti ilə tez-tez diqqət çəkən UВB-76 radio stansiyası növbəti şifrəli mesaj ötürüb.

BAKU.WS xəbər verir ki, "Radio Qiyamət günü" kimi tanınan stansiyada bu dəfə "Assolyev" sözü efirə verilib.

Məlumatı izləyən Telegram kanalı "UVB-76 lоgi" bildirib ki, mesaj 16 aprel saat 10:46-da yayımlanıb. Sözügedən ifadənin mənası barədə rəsmi açıqlama yoxdur.

Bəzi istifadəçilər "Assolyev" sözünü italyan dilində məşhur "O sole mio" mahnısı ilə əlaqələndirərək fərqli versiyalar irəli sürüblər. Lakin bu iddialar təsdiqlənməyib və yalnız ehtimal kimi qiymətləndirilir.

UVB-76 radiosu 1970-ci illərdən bəri fəaliyyət göstərir və əsasən monoton siqnal səsi ilə tanınır. Buna görə də o, xalq arasında "Zıngırovlu radio" və ya "Qiyamət radiosu" kimi adlandırılır.

Qeyd olunur ki, bəzi ekspertlər bu stansiyanın fəaliyyəti ilə beynəlxalq gərginlik dövrləri arasında əlaqə olduğunu düşünürlər, lakin bu barədə rəsmi təsdiq yoxdur.