Biləsuvar şəhərinin bir hissəsində elektrik enerjisinin verilişində yaranan problem həll edilib.

Bu barədə "Report"un yerli bürosuna rayon sakinləri məlumat verib.

Qeyd edək ki, bu gün səhər saatlarında etibarən şəhərin H.Əliyev prospektinin bir hissəsində təxminən 50-yə yaxın ev və mağazada elektrik enerjisi kəsilmişdi.

Biləsuvarın bir hissəsində elektrik enerjisinin verilişində problemlər yaranıb.

Bu barədə "Report"un yerli bürosuna rayon sakinləri məlumat verib.

Onların sözlərinə görə, H.Əliyev prospektinin bir hissəsində, təxminən, 50-yə yaxın ev və mağazada səhər saatlarından etibarən elektrik enerjisinin verilişi dayandırılıb. Sakinlər elektrik enerjisinin kəsilməsi ilə bağlı əvvəlcədən onlara heç xəbərdarlıq edilmədiyini bildiriblər.

Problemlə bağlı "Azərışıq" ASC-nin Biləsuvar Elektrik Şəbəkəsindən "Report"un yerli bürosuna bildirilib ki, hazırda transformatorda iş aparılır və yaxın vaxtlar elektrik enerjisinin verilişi bərpa ediləcək: "Həmin abonentlərin istifadə etdiyi transformator açılıb və əlavə kabel qoşulur. Bunun məqsədi gücün artırılmasıdır və 1 saata elektrik enerjisinin verilişi bərpa olunacaq".