Xırdalan dairəsi yaxınlığındakı açıq lük problemi həll edilib.

AVESTA.AZ-in qurumdan əldə etdiyi məlumata görə, həmin ünvanda yağış suyu barmaqlığı qısa müddətdə yenisi ilə əvəz olunaraq problem tam aradan qaldırılıb.

*** 11:48

Azərbaycan Dövlət Su Ehtiyatları Agentliyinin (ADSEA) tabeliyində fəaliyyət göstərən, Regional Su Meliorasiya QSC Xırdalan dairəsində maşının təkərinin qapağının açıq lükə düşməsin hadisəsinə münasibət bildirib.

Qurumun Mətbuat və İctimaiyyətlə əlaqələr şöbəsindən AVESTA.AZ-in sorğusuna cavab olaraq bildirilib ki, açıq qalan və ya qapağı olmayan lyuklarla bağlı məsələlər Azərbaycan Dövlət Su Ehtiyatları Agentliyinin diqqətində saxlanılır:

"Bu halların vaxtında aşkarlanması və aradan qaldırılması məqsədilə ərazilərdə mütəmadi baxış və monitorinqlər aparılır. Baxışlar zamanı lyukların vəziyyəti yoxlanılır, qapağı olmayan və ya zədələnmiş lyukların hansı qurumun balansına aid olduğu dəqiqləşdirilir.

Agentliyin balansında olan lyuklarla bağlı müvafiq tədbirlər görülür. Digər qurumların məsuliyyət dairəsinə aid olan hallar müəyyən edildikdə isə bu barədə aidiyyəti qurumlara məlumat verilir və məsələnin həlli üçün müvafiq tədbirlərin görülməsi istiqamətində iş aparılır. Lyuk qapaqlarının yerində olmaması oğurluq, zədələnmə və ya digər səbəblərlə əlaqədar ola bilər".

Azərbaycan Dövlət Su Ehtiyatları Agentliyi vətəndaşlardan açıq və ya qapağı olmayan lyuklarla qarşılaşdıqları zaman bu barədə aidiyyəti qurumlara məlumat vermələrini bildirib.

*** 09:38

Xırdalan dairəsi yaxınlığında maşının təkəri qapağı açıq lükə düşüb.

AVESTA.AZ xəbər verir ki, bu barədə sosial şəbəkədə paylaşım edilib.

Paylaşımdan aydın olur ki, hadisə nəticəsində maşının ön hissəsinə ziyan dəyib.

Məsələ ilə bağlı aidiyyatı üzrə sorğu ünvanlamışıq.

Cavab veriləcəyi təqdirdə xəbər yenilənəcək:

View this post on Instagram