Bütün dünyada olduğu kimi, Azərbaycan mətbəxində də geniş istifadə edilən mal əti insan orqanizmi üçün olduqca gərəkli maddələrlə zəngindir. Ancaq ən faydalı mal əti, torpağın mineralları, faydalı maddələri ilə bəslənmiş yaşıl otlaqlarda qidalanan mal-qaranın ətidir.

Uzun illər kənd təsərrüfatı ilə məşğul olan fermerlər, habelə yerli texnoloqlar bildirir ki, bu ərazilərdə saxlanılan heyvanların əti ilə yanaşı, sağlamlığında da fərq var. Bu heyvanların müxtəlif xəstəliklərə yoluxma riski olduqca azdır. Şübhəsiz ki, ölkəmizdə meşələrdə, çöllərdə, habelə zəngin bitki örtüyünə məxsus yaylaqlarda yetişən şəfalı və eyni zamanda dərman bitkiləri kimi istifadə edilən yabanı şəkildə bitən yovşan, bağayarpağı, sürvə, üçyarpaq yonca, kəklikotu, andız, çobanyastığı, habelə çöl qatırquyruğu kimi bitkilərlə də qidalanmış, bəslənmiş iribuynuzlu malqaranın əti ən ləziz, ən dadlı, ələlxüsusda ən sağlam ət hesab edilir. Hər bir ölkədə ət və ət məhsulları bazarının durumu əhalinin ərzaq təminatı və sağlam qidalanma, habelə ölkənin ərzaq təhlükəsizliyinin təmin edilməsi baxımından xüsusi əhəmiyyətli bir məsələ hesab olunur. Qeyd edək ki, ölkəmizdə istehlak edilən ət və ət məhsullarının halallığı isə birmənalı olaraq vacibdir.

Məlumat üçün bildirmək istərdik ki, hələ 1998-ci ildə fəaliyyətə başlayan və ölkəmizdə ət və ət məhsulları sektorunun lider şirkəti kimi sağlamlıq, halallıq, dad və yenilik qaynağına çevrilən «SAB» Azərbaycanda ilk dəfə halal ət məhsulları istehsal etməyə başlayan qida şirkəti olmuşdur. Xüsusilə də qeyd edək ki, Qafqaz Müsəlmanları İdarəsi, Azərbaycanda ilk dəfə olaraq, islamın bütün qaydalarına uyğun, halallıq prinsipləri ilə hazırlandığına görə “SAB” ticarət nişanlı məhsulların keyfiyyətinə təminat vermişdir. İllər ərzində, “SAB” tədarükçülərə isbatladı ki, təzə dana ətindən, təmiz xammaldan, növbənöv ədviyyalardan istifadə etməklə ərsəyə gətirilmiş halal məhsullar, məhz ən dadlı, ən sağlam ət məhsullarıdır.

“SAB” artıq 25 ildir ki, yüksək keyfiyyətli ət və ət məhsullarının bənzərsiz dadı ilə həm süfrələrimizin, həm də Azərbaycanın əvəzolunmazına çevrilmişdir. İstehsalında yüksək keyfiyyəti və qida təhlükəsizliyini hər zaman ön planda tutan brend olaraq, istehlakçıları keyfiyyətli məhsullarla təmin etmək üçün qida təhlükəsizliyi sahəsində həmişə birincilikdə yer almışdır. Müasir texnoloji inkişafa uyğun olaraq gigiyenik, keyfiyyətli və dadlı məhsullar istehsal edən “SAB” məhsullarının istehsalında yalnız keyfiyyət meyarlarına və halal kəsim standartlarına cavab verən mal və toyuq ətindən istifadə edir.

Qeyd edək ki, xammal olaraq istifadə ediləcək ətin təmin olunması üçün heyvanlar şirkətin qəssabları tərəfindən kəsilir, baytarlar tərəfindən yoxlanılır, möhür vurulur, sənədləşmə aparılır və sonda yoxlamadan keçmiş ət istehsalata daxil olur. Sənayemizin qabaqcıl şirkəti olaraq, əhalinin sağlamlığını qorumaq məqsədilə məhz “SAB” ekoloji təmiz, sağlam, halal və yerli iribuynuzlu mal-qaranın ətindən xammal kimi istifadə edərək çoxçeşidli ət məhsulları ilə bu gün süfrələrinizi bəzəyir.

Xüsusilə də, qeyd etməliyik ki, 100-dən çox çeşidə malik ət məhsulları (bişmiş, hisə verilmiş, çiy hisə verilmiş kolbasa çeşidləri, sosiska və sardelka növləri, delikateslər) halal, təmiz və təbiidir. Təkzibedilməzdir ki, yalnız “SAB” sağlam həyatı dəstəkləyir və insan sağlamlığına önəm verir. Sevdiklərinizin sağlamlığını qorumaq üçün “SAB”ı seçin.

“SAB” ət məhsulları – sağlamlığının qədrini bilənlər üçün.