Xarici İşlər Nazirliyinin xüsusi tapşırıqlar üzrə səfiri Elşad İskəndərov BMT-nin Layihə Xidmətləri İdarəsinin (UNOPS) icraçı direktoru Xorxe Moreyra da Silva ilə görüşüb.

“AVESTA.AZ” xəbər verir ki, bu barədə UNOPS rəhbəri sosial şəbəkədə bildirib.

“Azərbaycanın COP29-a sədrliyi ərəfəsində səfir Elşad İskəndərovu Nyu-Yorkdakı UNOPS ofisində qəbul etmək çox xoş idi. Biz bu mühüm məqamda iqlim fəaliyyətini formalaşdıracaq kritik qərarlara praktiki həllər təqdim etməyi səbirsizliklə gözləyirik”, – paylaşımda qeyd olunub.

Xatırladaq ki, daha əvvəl XİN-in xüsusi tapşırıqlar üzrə səfiri Elşad İskəndərov BMT-nin Nyu-Yorkdakı mənzil-qərargahında BMT Baş Assambleyasının “Yüksək Səviyyəli Həftə”si çərçivəsində Azərbaycanın COP29 sədrliyinin ev sahibliyi ilə “İqlim, sülh və insan mobilliyi” mövzusunda yüksək səviyyəli dəyirmi masada iştirak edib.