ABŞ Prezidenti Donald Tramp federal qurumların əvvəllər “Politico”, “The New York Times” qəzetlərinə və “Associated Press” xəbər agentliyinə abunəlik üçün ödədiyi vəsaitlərin ölkənin vergi ödəyicilərinə qaytarılmasını tələb edib.

“AVESTA.AZ” TASS-a istinadən xəbər verir ki, bu barədə ABŞ Prezidenti Donald Tramp “Truth Social” sosial şəbəkəsində paylaşım edib.

"Niyə “Politico”ya heç nə üçün milyonlarla dollar ödənilib? Mətbuatı almaq məqsədilə? Vergi ödəyicilərinin pullarını qaytarın!", - o yazıb.

Tramp, həmçinin “Reuters” agentliyindən ABŞ hökuməti tərəfindən ona ödənilən pul vəsaitlərinin qaytarılmasını tələb edib.

Ağ Evin mətbuat katibi Kerolin Livittin daha əvvəl qeyd edib ki, ABŞ hökuməti illik dəyəri təxminən 8 milyon dollar olan “Politico”ya abunəliyi ləğv edəcək. İlon Maskın rəhbərlik etdiyi ABŞ Dövlət İdarəetməsinin Səmərəliliyi Departamenti (DOGE) artıq qəzetə ödənişlərin ləğvi üzrə işə başlayıb.