Alimlər mütəmadi olaraq Omega-3 vitamini qəbul etməyin bioloji qocalmanı ləngitdiyini müəyyən ediblər.

AVESTA.AZ xəbər verir ki, Harvard Universiteti və Sürix Universitetindən tədqiqatçıların da iştirak etdiyi beynəlxalq elmi qrupun 3 il ərzində apardığı araşdırmada, hüceyrə və orqanlarda yaşla əlaqəli geriləmələr araşdırılıb və 777 yaşlı isveçrəli üzərində aparılan klinik sınaqların nəticələri qiymətləndirilib.

Tədqiqat zamanı gündə bir qram Omega-3 vitamini qəbul edən şəxslərin bioloji yaşlanmasının, bu vitamini qəbul etməyənlərlə müqayisədə 4 aya qədər azaldığı aşkar edilib. Alimlər, eyni zamanda D vitamini qəbul edən və həftədə ən azı 3 dəfə 30 dəqiqə idmanla məşğul olan şəxslərdə daha böyük faydaların müşahidə edildiyini bildiriblər.

Tədqiqatçılar həmçinin qeyd ediblər ki, Omega-3 ilə zəngin qidalanma tərzləri orqanizmdə iltihablanmanın azalması, oynaqların sağlamlığı, daha aşağı ürək xəstəlikləri, xərçəng və demensiya riski ilə əlaqəlidir.