Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi ölkənin bir sıra təhsil müəssisələrində kommunal-kommunikasiya və təmir işlərinin satın alınması ilə bağlı yeni tender elan edib.

AVESTA.AZ-in məlumatına görə, təmir və yenidənqurma işlərinin ümumi dəyəri 9 milyon 961 min manat olaraq müəyyən edilib.

Məqsəd məktəblərin maddi-texniki bazasının gücləndirilməsi, kommunikasiya xətlərinin yenilənməsi və təhsil müəssisələrinin müasir standartlara uyğunlaşdırılmasıdır.

Qeyd edək ki, son illərdə ölkə üzrə məktəblərin şəraitinin yaxşılaşdırılması istiqamətində mühüm addımlar atılır və bu layihə də həmin prosesin davamı olacaq.