
İtaliya A Seriyasının XII turunda "Yuventus" "Venesiya" ilə qarşılaşmadan böyükhesablı qələbə ilə ayrılıb.
AVESTA.AZ xəbər verir ki, Turin təmsilçisi "Allianz" stadionunda keçirilən matçda rəqibini 4:0 hesabı ilə üstələyib.
Oyunun ilk 45 dəqiqəsində tərəflər fərqlənə bilməyiblər. Lakin ikinci hissədə meydan sahibləri hücumlarını gücləndirərək qısa müddətdə dörd qol vurublar.
Hesabı 53-cü dəqiqədə Nik Voltemade açıb. Ardınca 59-cu dəqiqədə Teun Kopmeyners, 65-ci dəqiqədə isə Xuan Kabral fərqlənib. Görüşün 71-ci dəqiqəsində Randal Kolo Muani penaltini dəqiq yerinə yetirərək hesabı 4:0-a çatdırıb.
Qazanılan üç xal sayəsində "Yuventus" turnir cədvəlində altıncı yerə yüksəlib. Komandanın aktivində 21 xal var.
"Venesiya" isə altı xalla 19-cu pillədə qərarlaşıb.
© 2021 AVESTA.AZ BÜTÜN HÜQUQLAR QORUNUR.
Sayt Ülvi Məmmədov tərəfindən yığılıb.