
Almaniyanın Bavariya əyalətində yerləşən kilsələrdən birində dəm qazı sızması nəticəsində 19 nəfər zərər çəkib. Onlardan dördünün vəziyyətinin ağır olduğu bildirilir.
AVESTA.AZ xəbər verir ki, hadisə Allqoy bölgəsinin Bad-Qrönenbax şəhərində qeydə alınıb.
"Blue News"un məlumatına əsasən, hadisə yerinə çoxsaylı təcili tibbi yardım briqadaları, yanğınsöndürənlər və polis əməkdaşları cəlb olunub. Ərazidə genişmiqyaslı xilasetmə tədbirləri həyata keçirilib.
İlkin ehtimallara görə, dəm qazının yayılmasına kilsənin istilik sistemində yaranan texniki nasazlıq səbəb olub.
Zərərçəkənlərə tibbi yardım göstərilir. Hadisənin dəqiq başvermə səbəblərinin müəyyənləşdirilməsi istiqamətində araşdırmalar davam etdirilir.
© 2021 AVESTA.AZ BÜTÜN HÜQUQLAR QORUNUR.
Sayt Ülvi Məmmədov tərəfindən yığılıb.