Ötən sutka Çində rekord sayda yoluxma halı qeydə alınıb.

“AVESTA.AZ” xəbər verir ki, bu barədə ölkənin Milli Səhiyyə Komissiyası məlumat yayıb.

Bildirilib ki, noyabrın 26-da 39 791 nəfərdə koronavirus aşkarlanıb. Onlardan 3 709-u simptomlu, 36 082-si isə simptomsuz qeydə alınıb.

Bundan başqa, səhiyyə qurumunun məlumatına görə, eyni dövr ərzində ölkədə bir nəfər sözügedən virusdan ölüb.

Beləliklə, Çində koronavirusa yoluxma hallarının sayı 271 159-a yüksəlib, ölənlərin sayı isə 5 233-ə çatıb.

Qeyd edək ki, Çində artıq dalbadal 4-cü gün koronavirusa yoluxma hallarının sayında rekord qeydə alınır.