Səudiyyə Ərəbistanında keçirilən beynəlxalq World Defense Show sərgisi çərçivəsində Azərbaycanın USH Group şirkəti ilə dünya miqyasında tanınmış, 500 illik tarixə malik və qlobal müdafiə sənayesinin ən tələbkar və seçici iştirakçılarından biri olan Beretta arasında strateji saziş imzalanıb.

Standartlara və etimada əsaslanan seçim

Beretta beynəlxalq tərəfdaşların seçiminə ən yüksək səviyyədə dəqiqlik və tələbkarlıqla yanaşır, keyfiyyət, texnoloji yetkinlik, istehsal intizamı və uzunmüddətli strateji uyğunluq kimi ciddi meyarları əsas götürür. İmzalanmış saziş təsdiq edir ki, USH Group-un məhsulları və istehsal standartları sahənin ən qədim və nüfuzlu istehsalçılarından birinin yüksək tələblərinə tam uyğundur.

Tərəfdaşlıq çərçivəsində USH Group-un məhsullarının yüksək keyfiyyəti, mühəndis dəqiqliyi, etibarlılığı və beynəlxalq standartlara uyğunluğu xüsusi vurğulanır. Şirkət müasir istehsal güclərinə, keyfiyyətə nəzarət sistemlərinə və ixrac potensialının inkişafına ardıcıl şəkildə investisiya yatırır.

Azərbaycanın müdafiə sənayesi üçün strateji əhəmiyyət

Bu saziş Azərbaycanın müdafiə sənayesinin beynəlxalq bazarda mövqelərinin möhkəmləndirilməsi baxımından prinsipial əhəmiyyət daşıyır. Qlobal sektor liderlərindən biri ilə tərəfdaşlıq milli istehsalçının rəqabət qabiliyyətini təsdiqləməklə yanaşı, beynəlxalq sifarişçilər arasında Azərbaycan məhsullarına olan etimadı daha da gücləndirir.

Saziş Azərbaycan texnologiyalarının tanınmasının artmasına, ixrac coğrafiyasının genişlənməsinə və ölkənin qlobal istehsal və distribusiya zəncirlərinə inteqrasiyasına töhfə verir.

Beynəlxalq mövcudluğun genişləndirilməsi

Saziş aşağıdakı istiqamətləri əhatə edir:

USH Group məhsullarının genişləndirilmiş distribusiya kanalları vasitəsilə beynəlxalq bazarlarda təşviqi;

birgə kommersiya və texnoloji layihələrin inkişafı;

yeni regionlara çıxış üzrə səylərin koordinasiyası;

beynəlxalq sərgilərdə və ixtisaslaşmış tədbirlərdə birgə iştirak.

World Defense Show platformasında strateji tərəfdaşlığın imzalanması hadisənin hər iki tərəf üçün əhəmiyyətini vurğulayır və qarşılıqlı yüksək etimad səviyyəsini əks etdirir.

ərəflər əməkdaşlığın uzunmüddətli xarakter daşıyacağına və gələcək texnoloji və kommersiya inkişafı üçün möhkəm əsas yaradacağına əmin olduqlarını bildiriblər.