Bakının Yasamal rayonunda başlayan güclü yanğın söndürülüb.

AVESTA.AZ-in əldə etdiyi məlumata görə, Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində ikimərtəbəli yaşayış evində baş vermiş yanğın genişlənməsinə imkan verilmədən qısa müddətdə söndürülüb.

***22:28

Bakının Yasamal rayonunda güclü yanğın başlayıb.

Bu barədə hadisə şahidləri AVESTA.AZ-in "qaynar xətti"nə məlumat veriblər.

Hadisə ilə bağlı Fövqəladə Hallar Nazirliyindən AVESTA.AZ-ə bildirilib ki, Bakı şəhəri, Yasamal rayonu, Lev Tolstoy küçəsində yerləşən yaşayış evində yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğınla mübarizə tədbirləri davam etdirilir.

Qeyd edək ki, yanğın ərazisinə polis qüvvələri də cəlb edilib və ətrafda təhlükəsizlik gücləndirilib.

Посмотреть эту публикацию в Instagram

Публикация от @baku.ws_official