Rusiya Prezidenti Vladimir Putin Uzaq Şərqdə biznes üçün bürokratik maneələrin aradan qaldırılmasını və inzibati yükün azaldılmasını tələb edib.

AVESTA.AZ gazeta.ru-ya istinadən xəbər verir ki, Putin bildirib ki, vergi güzəştləri tətbiq edilərkən əlavə yoxlamalar və həddindən artıq nəzarət tədbirləri ilə biznesin fəaliyyətini məhdudlaşdırmaq olmaz.

Onun sözlərinə görə, bu, iqtisadiyyatın və sahibkarlığın inkişafına verilən dəstəyin effektini azalda və ya tamamilə sıfıra endirə bilər.