Argentina millisinin və dünya futbolunun əfsanəsi Lionel Messi milli komandadakı son oyununu keçirib.

AVESTA.AZ xəbər verir ki, 39 yaşlı hücumçu Argentina millisinin heyətində keçirdiyi son qarşılaşmadan sonra komandası ilə duyğusal şəkildə vidalaşıb.

Messi 20 ildən artıq müddətdə Argentina millisinin formasını geyinməyin onun üçün böyük qürur olduğunu bildirib.

"Bu formanı 20 ildən artıq geyinmək mənim üçün böyük qürur idi. Ən çətin vaxtlarda belə mübarizəni heç vaxt dayandırmadım, bütün gücümü ortaya qoydum və hər zaman hazır oldum. Komanda ilə vidalaşmaq mənə çox ağır gələcək. Həmişə milli komandada oynamaq istərdim, çünki bundan gözəl heç nə yoxdur", - deyə Messi bildirib.

Argentina son oyununda Benini 3:0 hesabı ilə məğlub edib. Qarşılaşmada qollara Nikolas Otamendi, Niko Pas və Lionel Messi imza atıb. Messi 71-ci dəqiqədə penaltini dəqiq yerinə yetirib.

Bundan əlavə, argentinalı ulduz qarşılaşmada iki məhsuldar ötürmə ilə yadda qalıb.

Qeyd edək ki, Messi avqustun 31-də Argentina millisində karyerasını başa vuracağını rəsmi açıqlamışdı. Futbolçu qərarını "ruhunda rahatlıq və yalnız xəyal edilə biləcək anlarla bağlı qürur hissi" ilə verdiyini bildirmişdi.

Beninlə son matçdan əvvəl də Messi milli komandadan "hər şeyini verərək və içi rahat şəkildə" ayrıldığını söyləmişdi.

Beləliklə, Lionel Messi Argentina millisində keçirdiyi möhtəşəm karyerasına son qoyub.