Endokrinoloq Marqarita Belousovanın sözlərinə görə, fastfudun sağlamlıq üçün təhlükəsiz hesab edilən universal istehlak norması müəyyən edilməyib. Həkim bu cür qidaların mümkün zərərini azaltmaq üçün onların daha az və kiçik porsiyalarla yeyilməsini tövsiyə edib.

AVESTA.AZ xəbər verir ki, mütəxəssis fastfuddan tam imtina edə bilməyən şəxslərə bu qidaları mümkün qədər az istehlak etməyi məsləhət görüb.

Həkimin fikrincə, fastfud yeyərkən porsiyanın ölçüsünü azaltmaq, yeməkləri təzə tərəvəzlərlə birləşdirmək və souslardan az istifadə etmək vacibdir.

Belousova qeyd edib ki, ayda bir-iki dəfə fastfud yemək, digər vaxtlarda balanslı qidalanmaq şərtilə, ümumi qida rasionunun bir hissəsi ola bilər.