Türkiyənin Burdur şəhərində iki minik avtomobilinin toqquşması nəticəsində 5 nəfər ölüb, 2-si ağır olmaqla 5 nəfər yaralanıb.

Bu barədə “Report” yerli mətbuata istinadən xəbər verir.

Qeyd edilir ki, qəza Burdur-Karamanlı yolunda qeydə alınıb. Hadisəyə avtomobillərdən birinin sürücüsünün nəqliyyat vasitəsinə idarəetməni itirməsi səbəb olub.

Yaralılar xəstəxanalara çatdırılıb, araşdırma aparılır.