“Azərbaycanda gender hüquq və imkanlarının genişləndirilməsi ilə bağlı məsələlər yaxşı həll olunur”.

“AVESTA.AZ” xəbər verir ki, bunu BƏƏ Federal Rəqabətqabiliyyətlilik və Statistika Mərkəzinin direktoru Hanan Əhli “ASAN Xidmət”in təşkilatçılığı ilə keçirilən Azərbaycan və Birləşmiş Ərəb Əmirlikləri Hökumətlərinin İnnovasiya və Rəqabətlilik Forumunda deyib.

Onun sözlərinə görə, BƏƏ gender bərabərliyi siyasətini təkmilləşdirmək üçün müxtəlif ölkələrin, o cümlədən Azərbaycanın təcrübəsindən ilhamlanır.

H.Əhli qeyd edib ki, BƏƏ hələ 2015-ci ildə gender bərabərliyinin təmin edilməsi ilə bağlı baxışını həyata keçirməyə başlayıb: “Sonra bu, qadınların dövlətin iqtisadi həyatında və təhsil sistemində iştirakının təmin edilməsinə yönəldilib”.

O, həmçinin əlavə edib ki, bu məqsədlə BƏƏ hökuməti Gender Balansı ilə bağlı Şura yaradıb.