Türkiyə Böyük Millət Məclisinin sədri Numan Kurtulmuş Azərbaycan xalqına başsağlığı verib.

"Report"un xəbərinə görə, bu barədə o, "X"də yazıb.

"Yaxın tarixdə qeydə alınan ən ağrılı hadisələrdən biri olan Qanlı Yanvar qırğınında qadın, uşaq, qoca demədən qətlə yetirilən azərbaycanlı bacı-qardaşlarımızın xatirəsini yad edir, ağrılarını bölüşürəm. Azərbaycanın müstəqilliyi uğrunda canlarını fəda edən 20 Yanvar qəhrəmanlarını unutmayacağıq, unutdurmayacağıq. Azərbaycanla sevincdə də, kədərdə də “Bir millət, iki dövlət” anlayışı ilə bundan sonra da bir və birlik olacağıq",- N.Kurtulmuş bildirib.

Xatırladaq ki, bu gün Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrinin növbəti ildönümüdür. 1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib.

Fövqəladə vəziyyətin tətbiqi əhaliyə elan olunanadək hərbi qulluqçular 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib. Beləliklə, qoşunların qanunsuz yeridilməsi nəticəsində Bakıda və ətraf rayonlarında 147 nəfər öldürülüb, 744 nəfər yaralanıb.

Yakın tarihin kaydettiği en acı verici hadiselerden biri olan "Kanlı Ocak" katliamında; kadın, çocuk, yaşlı demeden katledilen Azerbaycanlı kardeşlerimizi rahmetle anıyor, acılarını paylaşıyorum.

Can Azerbaycan'ın bağımsızlığı yolunda canlarını feda eden #20Yanvar kahramanlarını… pic.twitter.com/3NsEiAQ8ef

— Numan Kurtulmuş (@NumanKurtulmus) January 20, 2024