Bu ilin sentyabrın 10-da Çinin Şençjen şəhərində "Huawei" şirkətinin "ULTIMATE DESIGN" konsepsiyasına həsr olunmuş təntənəli tədbir keçirilib. Tədbirdəki möhtəşəm çıxışlar və həyəcanverici musiqilər "ULTIMATE DESIGN"in mahiyyətini mükəmməl şəkildə nümayiş etdirirdi. Rəqqasların bədən dili "Huawei"in innovativ texnologiyaların inkişafında yeni zirvələrə çatmaq əzmini və gələcəyə baxışlarını nümayiş etdirirdi. "HUAWEI" brendinin “Dream it Possible” kompozisiyası arzuların arxasınca getməyi əks etdirir və şirkətin bütün innovativ nailiyyətlərinin öz uğurlarına inamı sayəsində mümkün olduğunu vurğulayır.

Tədbirdə çıxış edən icraçı direktor, "Consumer BG" Şurasının sədri və "Huawei"in "Intelligent Automotive Solution" Bölməsinin Direktorlar Şurasının sədri Riçard Yu qeyd edib: “Biz heç vaxt yeniliklərin tətbiqini dayandırmamışıq və onları həyata keçirmək istəyimizdən heç vaxt əl çəkməmişik. Məhz bunun sayəsində biz bazarda ilk üçqat qatlanan smartfon olan, "HUAWEI MATE XT Ultimate Design"ı yarada bildik”.

İnnovativ texnologiyalar: öncül inkişaf həlləri və tədqiqatlar

"Huawei" hər zaman texnoloji yeniliklərə istiqamətlənərək inkişafa və tədqiqatlara yatırımlar edir və bunun nəticəsi olaraq istifadəçilərə qabaqcıl və yüksək keyfiyyətli cihazlar təqdim edir. Yeni smartfon innovativ, yüksək texnologiyalı iki istiqamətləndiricili fırlanan mexanizmlər sistemi ilə təchiz edilib ki, bunun sayəsində də cihaz içəriyə və xaricə qatlana bilir. Ultra yüngül və optimal dəqiqliyə uyğunlaşdırılmış konstruksiya ilə smartfonun ekranlarının hamar qatlanması təmin edilir. "HUAWEI MATE XT Ultimate Design"in immersiv ekranı hər iki istiqamətdə əyilə bilən və içəriyə və kənara qatlandıqda müqavimətə tab gətirə bilən əyiləbilən materiallardan hazırlanıb.

İnnovativ Təcrübə: heyrətamiz İmkanlar

"HUAWEI MATE XT Ultimate Design" birdən çox ekran rejimi - tək, ikili və üçlü arasında keçid etməyə imkan verməklə smartfonlardan istifadə təcrübəsini yeni mərhələyə gətirir. Tam açılmış halda böyük ekran izlənilən multimedia məzmununa tam dalmaq effekti yaradır və istənilən zəruri məlumatın sürətli axtarışını təmin edir. İkili ekran rejimində smartfon məqalələri və e-poçtları oxumaq üçün idealdır. Tək ekran rejimində isə istifadəçi, zəng etmək, şəkil çəkmək və s. kimi bir tapşırıq üzərində fokuslana bilər.

İnnovativ foto çəkiliş: Həyatın gözəl anlarını həkk edin

"Huawei" mobil fotoqrafiya innovasiyalarında liderlərdəndir. "HUAWEI MATE XT Ultimate Design" incə dizaynda "HUAWEI XMAGE"in güclü mobil təsvir imkanlarını təqdim edir. Cihazın 10-mərhələli tənzimlənən fiziki diafraqması müxtəlif çəkiliş ssenarilərində heyrətamiz şəkillər çəkməyə imkan verir. Uzaq dağlardan tutmuş çiçək üzərindəki kiçik həşəratlara qədər müxtəlif obyektlərin fotoşəkilləri ifadəli və valehedici alınır. Kamera həmçinin, sürətli hərəkət edən obyektlərin inanılmaz aydınlıqlı çəkilişini təmin edən dərhal-çəkmə funksiyasına malikdir.

"HUAWEI MATE XT Ultimate Design"da tətbiq edilən yeni mobil paradiqma ilə iş daha səmərəli, əyləncələr isə daha maraqlı olur. Bazarda ilk üçqat qatlanan smartfon kimi "HUAWEI MATE XT Ultimate Design", qatlanan cihazların təqdim edə biləcəyi imkanları genişləndirir. "Huawei" heç vaxt uğurları ilə kifayətlənmir və qabaqcıl texnologiya, heyrətamiz dizayn və yüksək səviyyəli istifadəçi təcrübəsi təklif edərək yüksək səviyyəli brend qurur.