"Gənc kadrların yaradıcı və innovativ potensialının üzə çıxarılması prokurorluqda əsas prioritet hədəfdir".

"AVESTA.AZ" xəbər verir ki, bunu Baş prokurorun müavini Heydər Məmmədov deyib.

Onun sözlərinə görə, prokurorluq orqanlarında hər bir gənc prokurorluq əməkdaşının nailiyyəti, ilk növbədə, hazırda respublikada Prezident İlham Əliyevin müdrik rəhbərliyi və Birinci vitse-prezident Mehriban xanım Əliyevanın müstəsna qayğısı ilə aparılan uğurlu gənclər siyasətinin təcəssümüdür: "Buna görə də prokurorluq orqanlarında da son iki ildən artıq müddətdə Baş prokuror tərəfindən keçirilən kompleks reformların mərkəzində ələxsus həyata keçirilən kadr islahatlarının təməl prinsiplərində yüksək bilikli, müasir, eyni zamanda dövlət və dövlətçiliyin sarsılmaz ənənələrinə sədaqəti ilə seçilən gənclərin önə çəkilməsi, onların yaradıcı və innovativ potensialının üzə çıxarılması, həmçinin yüksək mənəvi-əxlaqi keyfiyyətlərə malik gəclərin püxtələşməsi, eyni zamanda ölkəmizdə inkişaf etməkdə olan könüllülük hərəkatına töhfə verilməsi durur".

H.Məmmçədov bildirib ki, bu tələblər prokurorluğun fəaliyyətində prioritet hədəflərdən biri olmaqla gənc kadrların potensialından səmərəli istifadəyə xidmət edir: "Məhz bu istiqamətdə prokurorluqda işə qəbulla bağlı müsabiqə müstəsna əhəmiyyətə malikdir. Bildiyimiz kimi, prokurorluqda müsabiqə yolu ilə imtahanlar ulu öndər Heydər Əliyevin 19 iyun 2001-ci ildə tarixli fərmanı ilə təsdiq edilmiş “Prokurorluğa işə qəbul üçün namizədlərlə müsabiqə keçirilməsi qaydaları haqqında” Əsasnaməyə müvafiq olaraq təşkil edilir. 2002-ci ildən tam aşkarlıq şəraitində və şəffaf prosedurlar əsasında cəmi 23 müsabiqə keçirilib. Ümumilikdə müsabiqələrdə uğur qazanmış cəmi 1094 gənc hüquqşünas prokurorluq orqanlarına qulluğa qəbul edilmişdir ki, onlar da hazırda prokurorluq işçilərinin 83.9% faizini təşkil edir".

"Sevindirici haldır ki, müsabiqə yolu ilə qulluğa qəbul olunmuş həmin əməkdaşların bir çoxu yuxarı təsnifat vəzifələrə irəli çəkilmiş, o cümlədən 161 nəfər hazırda müstəqil rayon və şəhər prokuroru kimi və müstəqil struktur qurumların rəhbəri kimi fəaliyyət göstərirlər və onlardan bir neçəsi xüsusi ali rütbə almışdır. Bu gün 50 vakant ştat vahidi üzrə növbəti 24-cü müsabiqə həyata keçirilir. Bildiyiniz kimi hazırda müsahibənin birinci mərhələsinin, yəni test mərhələsinin keçirilməsinin iştirakçısıyıq. Hər zaman olduğu kimi, Azərbaycanın Dövlət İmtahan Mərkəzi ilə əlaqəli şəkildə həyata keçirilən bu test mərhələsində, prokurorluq orqanlarına işə qəbul olunmaq arzusunda olan 400-ə yaxın namizəd iştirak edir. İmtahanın nəticələri Baş Prokurorluğun rəsmi internet resurslarında yerləşdiriləcək. Obyektiv meyarlara əsaslanan müsabiqə nəticəsində ən güclü, ən layiqli namizədlərin uğur qazanacaqlarına inanırıq", - o vurğulayıb.