Bəzi insanlar hətta alkoqolsuz pivə və şərab içməməlidirlər.

AVESTA.AZ "Gazeta.Ru"ya istinadən xəbər verir ki, bunu rusiyalı nevroloq Yekaterina Demyanovskaya deyib.

O, spirtli içkilərin alkoqolsuz analoqlarının əsas təhlükəsini açıqlayıb.

Demyanovskaya vurğulayıb ki, alkoqolsuz pivə və şərab ilk növbədə uşaqlar və yeniyetmələr üçün əks göstərişdir. Bu içkilər onların psixikasına mənfi təsir edir və vaxtından əvvəl əsl spirt içmək vərdişi formalaşdırır.

Həkim hamilə qadınlara da alkoqolsuz pivə və şərabdan çəkinməyi tövsiyə edib:

"İçkilərin demək olar ki, üçdə birində etiketdə göstəriləndən əhəmiyyətli dərəcədə yüksək spirt var".

Demyanovskaya həmçinin sürücüləri spirtli içkilərin analoqlarından istifadə edərkən diqqətli olmağa çağırıb. Onun sözlərinə görə, nəzəri cəhətdən heç bir problem olmamalıdır, lakin pivə iyinin olması səbəbindən sürücüdən hələ də müayinədən keçmək tələb oluna bilər.