Məşhur rusiyalı yumorist Qarik Xarlamovun avtomobilinə kefir atılıb.

Bu barədə "112" teleqram kanalı məlumat yayıb. 

Bildirilir ki, 16 milyon rubl (336 min AZN) dəyərində olan avtomobil Moskvada, şəhərin cənub-qərbində yerləşən "Rasskazovo" yaşayış kompleksinin ərazisində xüsusi nəqliyyat üçün nəzərdə tutulmuş yerdə qaydalara zidd şəkildə saxlanılıbmış.

Məlumata görə, bu yaşayış kompleksində oxşar hallar tez-tez baş verir. Yerlərdə tanınmayan bir fəal daim qaydaları pozaraq avtomobilini düzgün park etməyənlərin maşınlarını kefirlə sulayır. Sakinlər qeyd edir ki, bu şəxsin qayda pozanlara qarşı heç bir səbir və anlayışı yoxdur.

Qarik Xarlamov isə hadisə ilə bağlı hələlik heç bir şərh verməyib.