Yay gələn kimi adi vətəndaşlarla yanaşı məşhurlar da istirahətə üz tuturlar. İlin gərgin və stressli günlərindən azad olmaq üçün ölkəni seçənlər də var, xarici ölkələrdə lüks istirahətə yollananlar da... 

Bu dəfə BAKU.WS saytı olaraq azərbaycanlı məşhurların harada dincəldiyini araşdırdıq. Onların istirahətindən görüntüləri oxuculara təqdim edirik:

Aktrisa Ülviyyə Xəlilbəyli

Aktrisa Ülviyyə Xəlilbəyli istirahət üçün Türkiyəni seçib. O qonşu ölkənin tarixi görməli-gəzməli yerlərində olub. Bu barədə Xəlilbəyli sosial şəbəkə hesabında görüntülər paylaşıb. 

Xalq artisti Mələkxanım Eyyubova

Xalq artisti Mələkxanım Eyyubova mütəmadi olaraq bağ evində istirahət edir. O qızları oğulları və nəvələri ilə bir araya gələrək həftəsonlarını burada keçirir. 

Bu barədə sənətçinin bloger qızı Nəzrin Nəcəfova sosial şəbəkədə paylaşımlar edir.

Aparıcı Çinarə Əliyeva

Aparıcı Çinarə Əliyeva dincəlmək üçün Çinə üz tutub. O həkim-cərrah həyat yoldaşı Ruslan Rəsulla istirahətə gedib. Çinarə sosial şəbəkədə Şanxaydan olan görüntülərini izləyiciləri ilə bölüşüb. Aparıcı demək olar ki, hər ay həyat yoldaşı ilə müxtəlif ölkələrə səyahət edir. 

Müğənni Günay İbrahimli

Günay İbrahimli dincəlmək üçün bölgələrimizdən birinə üz tutub. O atası, anası və bacısı İlahə ilə rayonda istirahət edib.

İfaçı bu barədə sosial şəbəkədə paylaşım edib. O istirahət zamanı öz mahnıları ilə ailəsini feyziyab edib. 

Əməkdar artist Ədalət Şükürov

Əməkdar artist Ədalət Şükürov istirahəti üçün Türkiyəyə yollanan məşhurlardandır. O hazırda Fethiyyedə dincəlir. Şükürov bu istirahətə həmkarı İlkin Fuadla gedib. Məşhurlar yaxtda olan istirahət görüntülərini sosial şəbəkə izləyiciləri ilə bölüşüblər. 

Aparıcı Nigar Mahmudova 

Aparıcı Nigar Mahmudova istirahət etmək üçün bölgələrə üz tutub. O Qaxda dincəlib. Nigar orada Balakən mətbəxinə aid ləziz maxara yeyib. Aparıcı rayon havasının və yeməklərinin ona verdiyi zövqdən danışaraq çox bəyəndiyini vurğulayıb. 

Müğənni Canana (Mətanət İsgəndərlinin keçmiş gəlini )

Canana övladları ilə birlikdə Qəbələyə istirahətə gedib. O dincəlmək üçün lüks otellərdən birində qalıb. Sənətçi iki gün üçün otelə 680 AZN ödəyib. Canana istirahəti üçün otelin VİP nömrəsini seçib. O övladlarının yaxşı əylənməsi üçün belə bahalı istirahət təşkil edib. 

Aparıcı Lalə Azərtaş

Aparıcı Lalə Azərtaş istirahətini bağ evində təşkil edir. O şəhərin səs-küyündən uzaq qalmaq və təmiz hava qəbul etmək üçün bağa üz tutur. Aparıcı istirahəti zamanı çəkidiyi videoları instaqram hesabında izləyiciləri ilə bölüşüb.