Şəmkir rayonunda gənc oğlan 9 və 10 yaşlı qızlara təcavüz edib.

Oxu.Az-ın məlumatına görə, hadisə rayonun Əliyaqublu kəndində baş verib. Kənd sakini, 2001-ci il təvəllüdlü İlkin Əmrahov (soyad şərtidir) qonşuluqda yaşayan ailənin uşaqlarına baxmağa kömək edirmiş. Dörduşaqlı ailənin 2 uşağı 9 və 10 yaşlı qızlar, ikisi isə 2 və 3 yaşlı oğlanlar olub. Valideynlər əksər vaxtlarda evdə olmadıqlarından ev sahibi qonşu İlkinin uşaqlara baxmasını xahiş edib və İlkin də qonşunun bu xahişini yerinə yetirirmiş.

Bir gün İlkin yenə valideynlərin evdə olmamasından istifadə edərək qonşuya keçib və oğlan uşaqlarını yataq otağında yatızdırıb. O, daha sonra qonaq otağına keçərək 10 yaşlı qızı yanına çağırıb. İlkin qızı qorxudaraq onunla qeyri-təbii yolla cinsi əlaqədə olub. Bir neçə saatdan sonra İlkin 9 yaşlı qıza qarşı da seksual xarakterli hərəkətlər edib.

Bundan sonra o, qızlara hədə-qorxu gələrək, bu barədə heç kimə məlumat verməməyi tapşırıb. İlkin azyaşlı bacılara tapşırıb ki, bu barədə kiməsə məlumat versələr, o, böyük qızı öldürəcək və bıçağı balaca qızın əlinə verib hadisə yerindən qaçacaq. İlkinin hədələrindən qorxan bacılar bu barədə heç kimə məlumat verməyiblər. Bundan istifadə edən İlkin hər gün valideynlər evdən gedəndən sonra onların evinə gəlib və hər iki qızla mütəmadi cinsi əlaqədə olub.

Bir gün uşaqların qohumu qəflətən evə gəlib və İlkinin böyük qızla cinsi əlaqədə olduğunu görüb. O bu barədə qızların atasına məlumat verib. Qızların atası İlkini çağırıb döyüb. İlkin hadisə yerindən qaçaraq kəndin otlaq sahəsində gecələyib.

Məsələ ilə bağlı hüquq-mühafizə orqanları əməkdaşlarının keçirdiyi əməliyyatla İlkin Əmrahov saxlanılıb və həbs qətimkan tədbiri seçilib.

Məhkəmənin qərarı ilə İ.Əmrahov 15 il azadlıqdan məhrum edilib.