Dekabrın 23-dən 25-dək Kanadanın şərq əyalətlərinə yağan şaxtalı yağış və güclü qar səbəbindən ümumilikdə 1,2 milyona yaxın elektrik istehlakçısı işıqsız qalıb.

“AVESTA.AZ” CTV telekanalına istinadən xəbər verir ki, elektrik verilişi şəbəkələrində yaranmış nasazlıqlar hələlik tam bərpa olunmayıb.

Məlumata görə, pis hava şəraitindən ən çox Kvebek əyalətinin sakinləri əziyyət çəkib, burada 670 min istehlakçı elektrik enerjisini itirib. İndiyədək onlardan 42 mindən çoxu işıqsız qalıb.

Ontarioda 430 000 ev təsərrüfatlarına elektrik enerjisi artıq bərpa edilib, daha 20 000 ev təsərrüfatının tezliklə qoşulacağı gözlənilir. Nyu-Brunsvikdə qar yağması səbəbindən 70 min istehlakçı işıqsız qalıb və elektrik enerjisi demək olar ki, tam bərpa olunub.