Küveyt Beynəlxalq Hava Limanında raket və pilotsuz uçuş aparatlarının hücumlarından sonra uçuş və eniş əməliyyatları müvəqqəti dayandırılıb.

BAKU.WS "Kuwait Airways"ə istinadən xəbər verir ki, yaranmış vəziyyətlə əlaqədar aviaşirkətin reyslərinin böyük hissəsi təxirə salınıb. Sərnişinlərə uçuşlarının statusunu mütəmadi yoxlamaq tövsiyə olunub.

Bildirilib ki, reyslərlə bağlı dəyişikliklər bron zamanı göstərilən telefon nömrələrinə göndəriləcək. Aviaşirkət sərnişinlərin təhlükəsizliyinin əsas prioritet olaraq qaldığını vurğulayıb.