İspaniya millisinin müdafiəçisi Mark Kukurelya uzun, buruq saçlarını təkcə özünəməxsus imici üçün saxlamır. Futbolçu açıqlayıb ki, autizm spektr pozuntusu olan böyük oğlu Mateo onu meydanda məhz saçlarına görə tanıyır.

BAKU.WS xarici mətbuata istinadən xəbər verir ki, Kukurelya və həyat yoldaşı Klaudiya Rodriges oğullarına erkən yaşlarda autizm diaqnozu qoyulduqdan sonra həyatlarının tamamilə dəyişdiyini deyirlər.

Hazırda danışmayan (qeyri-verbal) Mateo üçün uyğun təhsil və terapiya imkanları ailənin əsas prioritetinə çevrilib. Futbolçu hətta transfer qərarlarını belə oğlunun ehtiyaclarına uyğun verəcəyini bildirib.

"Deyirəm ki, ailə hər şeydən önəmlidir. Futbol vacibdir, amma ailəm daha vacibdir", - deyə Kukurelya vurğulayıb.

2026-cı il dünya çempionatında İspaniya ilə çempionluq qazanan müdafiəçi hər oyundan sonra ilk olaraq övladlarını qucaqlaması ilə də diqqət çəkib. O və həyat yoldaşı oğullarının hekayəsini gizlətmədiklərini, bunun autizmli övlad böyüdən digər ailələrə dəstək ola biləcəyinə inandıqlarını bildirirlər.

Kukurelya üçün ən böyük qələbə isə qazandığı kuboklar deyil, oğlu Mateonun hər kiçik inkişafını birlikdə yaşamaqdır.

Qalereya