Türkiyə Milli Futbol Komandası UEFA Millətlər Liqasında İtaliyaya 3:1 hesabı ilə məğlub olaraq ardıcıl 4-cü məğlubiyyətini alıb.

BAKU.WS xəbər verir ki, bu nəticə ilə "ay-ulduzlular" 1987-ci ilin oktyabrı - 1988-ci ilin martından sonra ilk dəfə ardıcıl 4 oyunda məğlub olub.

Belə ki, komanda son 7 matçın yalnız birində qələbə qazanıb, 6 oyundan isə məğlub ayrılıb.

Türkiyə 1:3 İtaliya

Türkiyə 0:3 Belçika

Türkiyə 1:4 İtaliya

Türkiyə 0:1 Fransa

Türkiyə 3:2 ABŞ

Türkiyə 0:1 Paraqvay

Türkiyə 0:2 Avstraliya

İtaliya ilə matçdan sonra Türkiyə millisinin baş məşqçisi Vinçenzo Montellanın rəhbərliyi altında 3 və daha çox qol buraxaraq məğlub olduğu oyunların sayı 7-yə yüksəlib.

Montella bununla Türkiyə millisinin tarixində 3 və ya daha çox qol buraxaraq ən çox məğlubiyyət yaşayan xarici baş məşqçilər siyahısında üçüncü pilləyə yüksəlib.

Siyahı belədir:

Sandro Puppo – 10 məğlubiyyət

Sepp Piontek – 9 məğlubiyyət

Vinçenzo Montella – 7 məğlubiyyət

İtaliya Türkiyənin tarixində üzərində qələbə qazana bilmədiyi və ən çox qarşılaşdığı rəqibdir. İki komanda indiyədək 18 dəfə üz-üzə gəlib. Bu oyunlarda Türkiyə 5 heç-heçə edib, 13 dəfə isə məğlub olub.

Türkiyə İtaliya səfərlərində də indiyədək qələbə qazana bilməyib. "Ay-ulduzlular" İtaliya ərazisində keçirdiyi oyunlarda 5 heç-heçə edib və 5 dəfə məğlub olub.