"Prokurorluq orqanlarında son üç ildə müasir məzmunlu islahatlar davam etməkdədir. Bu islahatlar prokurorluğun bütün fəaliyyət istiqamətlərini əhatə edir".

"Report" xəbər verir ki, Baş prokurorun müavini, II dərəcəli dövlət ədliyyə müşaviri Heydər Məmmədov jurnalistlərə açıqlamasında deyib.

Onun sözlərinə görə, qanunçuluq-hüquq qaydasının möhkəmləndirilməsi, prosesual nəzarətin keyfiyyətinin daim təkmilləşdirilməsi, eyni zamanda innovativ yeniliklər, normativ-hüquqi bazanın sistemləşdirilməsi, maddi-texniki bazanın gücləndirilməsi və digər istiqamətlərdə islahatlar davam edir:

"Son dövrdə həm ötən illərdən bağlı qalmış bir sıra ağır və xüsusilə ağır qeyri-aşkar şəraitdə törədilmiş qəsdən adam öldürmə cinayətlərin açılması istiqamətində, o cümlədən maddi ziyanın ödənilməsi, həm də prokurorluğun digər fəaliyyət istiqamətlərində əldə olunan müsbət dinamika – bunu bir daha özündə əyani şəkildə təcəssüm etdirir. 2002-ci ildən, tam aşkarlıq şəraitində 24 müsabiqə keçirilib. Ümumilikdə müsabiqələrdə uğur qazanmış 1151 gənc hüquqşünas prokurorluq orqanlarına qulluğa qəbul edilib ki, onlar da hazırda prokurorluq işçilərinin 88,3% faizini təşkil edirlər".