Finlandiyandan sonra Norveç də Rusiya ilə sərhəddəki keçid məntəqəsini bağlamağa hazırdır.

"Report"un məlumatına görə, bu barədə TV2 telekanalı krallığın Baş naziri Yonas Qar Störə istinadən məlumat yayıb.

Ölkəsinin Finlandiyadan nümunə götürüb, "Sturskuq" keçid məntəqəsini bağlamalı olub-olmaması ilə bağlı suala Stör belə cavab verib: “Əgər lazım gələrsə”.

Onun sözlərinə görə, Norveç həm Finlandiya, həm də Estoniyadakı vəziyyəti diqqətlə izləyir.

Telekanal qeyd edib ki, Rusiyadan “Sturskuq” vasitəsilə sərhəd keçidlərinin sayının artması ilə bağlı hələ də məlumat yoxdur.