Latviyanın Azərbaycandakı səfirliyi 20 Yanvar faciəsinin 34-cü ildönümü ilə əlaqədar Azərbaycana başsağlığı verib.

"Report" xəbər verir ki, bu barədə səfirliyin "X" hesabında paylaşım edilib.

Sovet rejiminin törətdiyi XX əsrin ən qanlı faciələrindən biri olan 20 Yanvarı xatırlayırıq. Müstəqillik və Sovet İttifaqının süqutu uğrunda canlarını fəda edənləri dərin ehtiramla yad edirik", - məlumatda qeyd edilib.

Xatırladaq ki, bu gün Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrinin növbəti ildönümüdür. 1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib.

Fövqəladə vəziyyətin tətbiqi əhaliyə elan olunanadək hərbi qulluqçular 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib. Beləliklə, qoşunların qanunsuz yeridilməsi nəticəsində Bakıda və ətraf rayonlarında 147 nəfər öldürülüb, 744 nəfər yaralanıb.

We remember 20 January, one of the bloodiest tragedy of the 20th century committed by Soviet regime We remember with the deepest respect those who sacrificed their lifes for independence and collapse of the Soviet Union.#20January #BlackJanuary #weremember pic.twitter.com/lNknfoNfcO

— Latvia in Azerbaijan (@LVinAzerbaijan) January 20, 2024