Rusiya Daxili İşlər Nazirliyi vətəndaşlara vacib onlayn xidmətlərdə - e-poçt, bank tətbiqləri və sosial şəbəkələrdə parolları ən azı hər üç aydan bir dəyişməyi tövsiyə edib. Bu addım şəxsi məlumatların sızma riskini azaltmağa kömək edə bilər.

BAKU.WS xəbər verir ki, əgər istifadə etdiyiniz xidmətin məlumat sızmasına məruz qaldığı məlum olarsa, parol dərhal dəyişdirilməlidir. Həmçinin parolu dəyişməzdən əvvəl onun təhlükəsizlik səviyyəsini xüsusi onlayn alətlərlə yoxlamaq məsləhət görülür.

Parolların mütəmadi olaraq yenilənməsi və yoxlanması şəxsi məlumatların kibercinayətkarların əlinə keçməsinin qarşısını ala bilər.