Qidalanmaya yaxşı diqqət etmək və pis vərdişlərdən uzaq olmaq gözlər üçün faydalıdır. Ən əsasə isə menyunuzda çoxlu meyvə, tərəvəz olmalıdır. Çünki görmə qabiliyyətinin həm zəifləməməsi, həm də güclənməsi üçün düzgün qidalanmaq lazımdır.

AVESTA.AZ xarici KİV-ə istinadən görmə qabiliyyətini gücləndirən qidaları təqdim edir:

A vitamini - Gecə görməsini və ümumi göz sağlamlığını qoruyur.

C vitamini - Göz toxumalarını oksidləşmədən qoruyur.

E vitamini - Hüceyrələri zədələnmədən qoruyur.

Zink (Sink) - A vitamininin gözlərdə işləməsinə kömək edir

Omega-3 yağ turşuları - Quru göz sindromunu azaldır, retina sağlamlığını qoruyur.

Görməyə faydalı qidalar:

Yerkökü A vitamini (beta-karoten) ilə zəngindir.

Yaşıl yarpaqlı tərəvəzlər (ispanaq, kələm).

Balıq (xüsusilə somon, sardina, skumbriya) Omega-3 yağ turşuları ilə zəngindir.

Yumurta sarısı əm lutein, həm də zeaksantin və zink ehtiva edir.

Narıncı və sarı meyvə-tərəvəzlər (balqabaq, şirin kartof, mango) Beta-karoten ehtiva edir.

Quru meyvələr və toxumlar (badam, günəbaxan toxumu) E vitamini və sağlam yağlarla zəngindir.

Sitrus meyvələri (portağal, limon, kivi) C vitamini mənbəyidir.

Qırmızı ət və dəniz məhsulları sinklə zəngindir.